Koredó di Formulá 1 Ayrton Senna, tabata mònek na Tibèt

Bisinc.

 

 

 

Komunikado di Prensa
Bright Ideas & Services
15 di mart 2011 / 05-0311

 

UTRECHT / Kòrsou – Awe periodista medio místiko Martien Verstraaten a presentá su buki na minister plenipotensiario interino di korsou na ulanda Humphrey ‘Pim’ Senior. Ta trata aki di e buki ‘Vlinders kunnen niet Dadelen en Dadels kunnen niet Vlinderen’ ku ta trata bidanan di e koredó di Fórmula 1 Ayrton Senna kende a muri hasiendo su deporte.
Den e buki Senna ta papia ku Verstraaten di su bida komo mònek na Tibèt.
Verstraaten den e di 4 kapítulo di su buki ’Vlinders kunnen niet Dadelen en Dadels kunnen niet Vlinderen – Genetica van een innerlijke & uiterlijke carrière’, ta relatá su biahe pa Tibèt i e bida tibetano di Ayrton Senna.

Ing. Angel R. Salsbach, polítiko i eks gezaghèber interino di Kòrsou ta skibi den un palabra di introdukshon di e buki di Verstraaten tokante di maneho di transformashon ku: ‘ bida i bidanan anterior di e koredó di Fórmula 1 brasilero Ayrton Senna ta un ehèmpel bunita ku ta fria hende su sanger ora ku mira kon por presentá un karera.

Komo ‘medium’ i outor invisibel Verstraaten ta duna Ayrton Senna palabra, e ta papia kuné, kana den su pasado i desvelá i ta laga desvelá tokante di su bida i su karera eksitoso i tur kos tokante di kousa di su morto violento na aña 1994 durante di e aksidente riba e sirkuito di Imola na Italia.
Ta haña chèns pa mira e aksidente fatal aki for di un otro ángulo.

Senna komo mònek
E entrevistanan ta duna un bista den mishon di Senna ku despues ta forma base di éksito den su karera. E bista riba su pasado ta mustra bon kla ku base di su karera eksitoso ta den e konbento di mònek den e área yen di seru di Tibèt.
Verstraaten ta mustra den su buki for di un investigashon longitudinal e relashon entre aktual karera di un hende, su bida komo mucha/adolesente ku datonan relevante di su karera den bida anterior.

Politika i magia mas ayá
Verstraaten banda di Ulanda i na Kòrsou a traha pa diferente aña komo paragnostiko i ‘medium’ na Salvador da Bahia na Brazil. Esaki ta e siudat mágiko di kantante Daniela Mercury di e gran polítiko Antônio Carlos Magalhães kende na e momentu aki ta presidente di senado brasilero. Verstraaten a studia einan e mágiko Candomblé, un religion Afro-Brasilero i ta deskubrí ku politika i magia mas aya ta kana man na man ku otro.

Gurunan di Wimbledon
Gurunan di awendia no ta bisti mas toga ni nan no ta isolá nan mes mas den serunan’ asina Cássia Candra di Correio da Bahia a skibi.
Gurunan di awendia ta koredónan spiritual, ku ta kore outonan di kareda, nan ta ekselá riba e yerba santu di Wimbledon, ta hunga futbòl den trans riba yerba na Brazil òf ta Twitter manera lidernan polítiko pashoná den arena moderno.
Ya kaba ta tradusiendo e buki ‘Vlinders kunnen niet Dadelen en Dadels kunnen niet Vlinderen’ na portugues brazilero.

Pa mas informashon por bishitá
http:// www.martienverstraaten.com/events/senna.html

 

Nota pa redakshon
Pa mas informashon por tuma kontakto ku

DESTINATIONS – Laboratory for Intuitive Intelligence
+31 (0)616195225
the.mediums [arroba] martienverstraaten [punto] com
www.martienverstraaten.com

BISInc – Bright Ideas & Services Inc Curaçao
(5999) 767-9255, (5999) 561-2818
info [arroba] brightideasandservices [punto] com